signer

Signer, act. acut. Faire un seing ou marque pour cognoissance et foy de quelque chose, Signum ac notam appingere, De là dit on signer de sa main une scedule, Apocham chirographo sancire, et Signé de la propre main du Roy, Ipsiusmet Regis chirographo subscriptum.

Signer de son sang, est asseurer de toute verité et sureté ce qui est dit ou convenu et promis, Dicta aut pacta conuenta repromissaque sanguine subscribere, Sancire certa, vera, rata, illaesa inuiolataque fore, Sanguine pro atramento interposito spondere, autumare, Qui est une maniere de parler dont on use quand on veut asseurer de tout poinct, et mettre hors de doubte et de mescreance ce qu'on a dit et promis, comme si lon disoit ne vouloir espargner l'effusion de son sang pour le maintien de ce qu'on a dit ou convenu. On ne peut bonnement extraire ceste maniere de parler, de la façon des Romains et autres tels peuples, lesquels assuroyent leurs traictez de paix et conventions publiques par effusion du sang des bestes qui estoyent par eux sacrifiées à cet effect, comme au traicté d'entre le Roy Latinus et Enée, Virgile recite avoir esté faict, li. 12. de l'Eneide. Moins la peut on prendre par imitation de ce que les Latins appellent sanctiones, dont l'infraction estoit punie d'effusion de sang, comme Ciceron dit en l'oraison pro Corn. Balbo. D'où que ce soit que ceste maniere de parler soit née, Pompo. Mela au livr. 2. chap. 1. narre que les Axiaces Scythiens faisans traictez, pactions et convenances entre eux se navrent et entament leur chair eux mesmes, et ayans meslé leur sang ensemble s'en {{o=sen}} mettent dans la bouche, tenans ceste cerimonie pour gage certain de l'inviolableté de leurs convention, promesses et foy donnée, Alternum fundere sanguinem ad pacta conuenta sancienda (comme Seneque in Thyeste dit Alternum dare sanguinem) et Herodote li. 3. dit que les Arabes font leurs traictez d'alliance et confederation avec autres Princes et nations par extraction de sang de la paulme de la main de chacun des futurs confederez en l'endroit de la racine des plus grands doigts. Ce que un tiers estant au milieu d'eux deux fait avec une pierre aiguë, baignant par apres en ces deux sangs meslez un houpillon qu'il tire de la frange de leurs robbes, et avec iceluy taignant de ce sang double sept pierres qui à cet effect sont placées entre les futurs alliez, quoy faisant il reclame Dionysium et Uraniam, Que les Arabes tienent à Dieux sans plus. Laquelle invocation faite, celuy qui baille la foy pour l'alliance prend par promesse celle de l'estranger. Laquelle cerimonie pouvoit signifier que Dionysius et Urania, estoyent appelez conservateurs de telle confederation, pour justicier de peine de sang et capitale celuy desdits confederez qui en seroit violateur, comme en cas pareil, le Foecial des Romains apres les articles de la confoederation recitez, frappoit roidement d'un caillou à feu un porc qui estoit à ses pieds à ceste fin, reclamant Diespiter à conservateur du traicté et vengeur de l'infraction d'iceluy par peine de bris et de mort. Ainsi signer de son sang, se pourroit exposer, promettre et asseurer une chose au peril et perte de sa vie en cas de non accomplissement. Aussi le François dit, Je luy donnerois de mon sang s'il en avoit besoing, Pro illo obeam libens, Et j'aymerois mieux avoir espandu une pinte de mon sang que mal luy fust advenu, Meo sanguine illius damnum ac malum mutarem libens, mutare mallem, Quand il veut monstrer l'extreme amitié qu'il porte à celuy là.

Signer de sa main, Subscribere.

Faire et signer testamens, Obsignare testamenta.

Signer aucun, id est, Luy faire signe qu'il vienne et s'approche.

Refuser et delayer de signer un appoinctement accordé, Prolatando detrectare subnotationem conuenti iudicialis, B.

Une pierre à signer ou cacheter, Ectypa gemma.

Signer et seeller, Subscribere et obsignare, vel Subsignare, Budaeus.

La premiere chose qu'il signa comme Empereur, Nec quicquam prius pro potestate subscripsit, quam, etc. Bud. ex Sueton.

Thresor de la langue françoyse. Jean Nicot.